Xəbərlər
Şəhid Yusif Əliyevin məzarı və ailəsi ziyarət edilib
YAP Şamaxı rayon təşkilatının sədri və əməkdaşları Vətən müharibəsi şəhidi Əliyev Yusif Asif oğlunun məzarını və ailəsini ziyarət ediblər.
Əvvəlcə şəhid Yusif Əliyevin məzarı önünə tər gül dəstələri düzülüb, ruhuna dualar oxunub.
YAP Şamaxı rayon təşkilatının sədri Tural Qasımlı qeyd edib ki, şəhidlərimiz bizim qürur yerimizdir. Yusifin timsalında müharibəni zəfərlə taclandıran şəhidlərimizə və qazilərimizə vəfa borcumuz sonsuzdur.
Şəhidin ailəsi göstərilən diqqətə və qayğıya görə Prezident İlham Əliyevə və birinci vitse-prezident Mehriban xanım Əliyevaya minnətdarlıqlarını bildiriblər.
