Xəbərlər
MM-in deputatlığına namizəd Səməd Seyidovun Xətaidə seçicilərlə ilk görüşü keçirilib
Oktyabarın 10- da namizədliyi Yeni Azərbaycan Partiyası tərəfindən 36 saylı Xətai dördüncü seçki dairəsi tərəfindən irəli sürülən Səməd Seyidovun seçicilərlə ilk görüşü oldu.
Namizəd görüşdə Azərbaycanın uğurlarından, beynəlxalq münasibətlər sistemində artan rolundan geniş bəhs edərək bildirdi ki, bu gün nəinki ölkənin, bölgənin aparıcı siyasi təşkilatı olan Yeni Azərbaycan Partiyası daim dövlətə, xalqa xidməti fəaliyyətinin əsas istiqaməti kimi qəbul etmiş, milyonların sevgisini qazanmışdır. Belə bir partiyanın namizədi olmaqdan qürur hissi keçirdiyini qeyd edən S.Seyidov bildirdi ki, ölkə Prezidenti İlham Əliyevin rəhbərliyi altında Azərbaycanın davamlı uğurları, Yeni Azərbaycan Partiyasının nüfuzu, siyasi çəkisi növbəti parlament seçkilərində də qələbəni şəksiz edir.
Seçicilərdən Vahid Quliyev, Əvəz Həsənov və başqaları çıxış edərək, Azərbaycanı gələcəyə aparan partiyaya dəstək olacaqlarını bildirdilər.