Xəbərlər
Xalqın etimadını qazanan Lider
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində fevralın 5-də Gədəbəy rayonunda ilk dəfə səs verəcək gənc seçicilərlə görüş keçirilib.
Əvvəlcə Azərbaycan Respublikasının Dövlət Himni səsləndirilib, Ulu Öndər Heydər Əliyevin və ölkəmizin ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.
Görüşdə YAP Gədəbəy rayon təşkilatının sədri Rüstəm Nağıyev, təşviqat qrupunun üzvləri Pərviz Bayramov, Günay Xudayarova, Tural Nuriyev və başqaları çıxış ediblər.
Qeyd olunub ki, prezident seçkiləri müstəqil Azərbaycan tarixində ilk dəfə olaraq respublikamızın bütün ərazilərində keçiriləcək.
Gənc seçicilər fevralın 7-də xalqın etimadını qazanan Lider İlham Əliyevə səs verəcəklərini bildiriblər.
Tədbir Yeni Azərbaycan Partiyasının Himninin səsləndirilməsi ilə başa çatıb.
