Seçki-2024
“Zəfər seçkisində fəal iştirak edək!”
![](http://yap.az/thumb.php?src=http://yap.az/upload/images/898281334f2fb4c352934b8ef43a8bd7.jpeg&w=360)
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində fevralın 3-də Xızı rayonunda seçicilərlə görüş keçirilib.
Əvvəlcə Azərbaycanın Dövlət Himni səsləndirilib, Ulu Öndər Heydər Əliyevin və Vətən uğrunda həlak olan şəhidlərin əziz xatirəsi bir dəqiqəlik sükutla yad edilib.
Daha sonra cənab İlham Əliyevin fəaliyyətinə həsr edilmiş videoçarx nümayiş olunub.
Görüşdə YAP Xızı rayon təşkilatının sədri Ayaz Quliyev və təşviqat qrupunun üzvü Bəhdaş Nəbiyev çıxış edib. Natiqlər vətəndaşları dövlətimizin dinamik inkişafını təmin edən, ölkəmizi uğurdan uğura aparan Yeni Azərbaycan Partiyasının namizədi cənab İlham Əliyevə səs verməyə dəvət ediblər.
Seçicilər isə fevralın 7-də Zəfər seçkisində fəal iştirak edərək qalib xalqın qalib Lideri İlham Əliyevə səs verəcəklərini bildiriblər.