Seçki-2024
Cənab İlham Əliyev Azərbaycana möhtəşəm uğurlar qazandırıb
![](http://yap.az/thumb.php?src=http://yap.az/upload/images/89a41610d4d497fd62c4609814c6e53a.jpg&w=360)
Şəki rayonunda seçicilərlə görüş keçirilib
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 15-də Şəki rayonunun Qoxmuq kəndində seçicilərlə görüş keçirilib.
Görüşdə YAP Şəki rayon təşkilatının sədr müavini Ziya Vəliyev, təşviqat qrupunun üzvləri Anar Nağıyev, Əsgər Abdullayev və Əhəd Salamov çıxış ediblər.
Çıxışlarda qeyd olunub ki, hər bir seçici fevralın 7-də keçiriləcək prezident seçkilərində iştirak etməklə bütöv Azərbaycanın vətəndaşı olmağın qürurunu yaşayacaq. Görüşdə Azərbaycanın böyük inkişaf yolu keçməsi diqqətə çatdırılıb, ölkəmizin qarşısında duran yeni perspektivlərdən bəhs edilib. Qeyd olunub ki, bütün nailiyyətlər cənab Prezident İlham Əliyevin qətiyyətli mövqeyi nəticəsində mümkün olub.
Natiqlər seçiciləri 7 fevral prezident seçkilərində fəal iştirak etməyə və qalib xalqın qalib Lideri olan Yeni Azərbaycan Partiyasının namizədi cənab İlham Əliyevə səs verməyə çağırıblar.