Xəbərlər
Astarada şəhid Əhəd Ağayev anılıb
Yeni Azərbaycan Partiyası Astara rayon təşkilatının rəhbərliyi və fəalları, Astara Rayon İcra Hakimiyyətinin əməkdaşları, eləcə də din xadimləri, ictimaiyyət nümayəndələri, qazilər rayonun Motlayataq kəndində Vətən müharibəsi şəhidi Ağayev Əhəd Bilal oğlunun şəhadətinin ildönümü ilə əlaqədar keçirilən anım mərasimində iştirak ediblər.
Mərasimdə Azərbaycanın ərazi bütövlüyü uğrunda canından keçmiş şəhidimizin əziz xatirəsi ehtiramla yad edilib, ruhuna dualar oxunub. Əhəd Ağayevin gənclərə örnək olacaq Vətən sevgisi, keçdiyi döyüş yolu barədə söhbət açılıb.
Daha sonra şəhidin məzarı ziyarət edilib, üzərinə tər gül-çiçək dəstələri düzülüb.
