Xəbərlər
Musa Qasımlı: Hazırki inkişafın əsasında Heydər Əliyev siyasəti dayanır
«15 iyun 1993-cü il tariximizin çox mühüm səhifələrindən biridir». Bu fikri Milli Məclisin deputatı Musa Qasımlı deyib.
M.Qasımlı bildirib ki, həmin tarixdə Ümummilli lider Heydər Əliyev siyasi hakimiyyətə qayıtmaqla Azərbaycanı parçalanmaqdan xilas etdi. Onun sözlərinə görə, bu səbəbdən 15 iyun tariximizə Milli Qurtuluş Günü kimi daxil olub.
«Azərbaycan xalqının təkidli tələbi ilə hakimiyyətə qayıdan Ümummilli lider Heydər Əliyev müstəqilliyimizi qorumaqla yanaşı onun dönməzliyini təmin etdi. Bu gün haqlı olaraq biz Heydər Əliyevi Azərbaycanın müstəqilliyinin qurucusu kimi qəbul edirik. Heydər Əliyevin müəyyənləşdirdiyi inkişaf strategiyası nəticəsində Azərbaycan böyük nailiyyətlər əldə edir. Hazırki inkişafın, güclü Azərbaycan dövlətinin əsasında Heydər Əliyev siyasəti dayanır»- deyə, M.Qasımlı vurğulayıb.