Xəbərlər
“Seçimimiz qalib xalqın qalib Lideri İlham Əliyevdir”
Şabran rayonunda seçicilərlə görüş keçirilib
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində fevralın 5-də Şabran şəhərində şəhid ailələrinin üzvləri, müharibə veteranları və iştirakçıları ilə görüş keçirilib.
Görüşdə YAP Şabran rayon təşkilatının sədri Mehdi Balabəyov, partiyanın Təftiş Komissiyasının üzvü, Milli Məclisin komitə sədri Sadiq Qurbanov, təşviqat qrupunun üzvləri Bəsti Məmmədova, Namiq Cümşüdov, şəhid ataları İlqar Rəsulov və Akif Səmədov, şəhid anaları Besxanım Balağayeva və Zərnişan Həsənova çıxış ediblər.
Natiqlər seçiciləri 7 fevral prezident seçkilərində fəal iştirak etməyə və qalib xalqın qalib Lideri olan Yeni Azərbaycan Partiyasının namizədi cənab İlham Əliyevə səs verməyə çağırıblar.
Seçicilər isə artıq öz seçimlərini etdiklərini və 7 fevral seçkilərində ən layiqli namizəd olan cənab İlham Əliyevə səs verəcəklərini bəyan ediblər.
