Xəbərlər
Dərin hörmətlə anırıq!
Biləsuvarda Vətən müharibəsində böyük rəşadət və igidlik göstərərək şəhidlik zirvəsinə ucalmış Xosizadə Müşfiq Zakir oğlunun anadan olmasının 30-cu ildönümü münasibətilə xatirəsi anılıb.
Yeni Azərbaycan Partiyası (YAP) Biləsuvar rayon təşkilatının sədri Kamil Qurbanlı, partiya fəalları, ictimaiyyət nümayəndələri rayonun Günəşli kəndində şəhidin ailəsini ziyarət edib, onların qayğı və problemləri ilə maraqlanıblar.
Görüşdə şəhidin şərəfli həyat və döyüş yolu, torpağa, milli-mənəvi dəyərlərə bağlılığı, müqəddəs şəhidlik zirvəsinə ucalmasından bəhs edilib, onun xatirəsinin əbədi yaşayacağı vurğulanıb.
Daha sonra kənd qəbiristanlığında şəhidin məzarı ziyarət edilib, ruhuna dualar oxunub.
Qeyd edək ki, Azərbaycan Respublikası Prezidentinin müvafiq sərəncamlarına əsasən şəhid Müşfiq Xosizadə ölümündən sonra “Vətən uğrunda”, “Füzulinin azad olunmasına görə” və “Döyüşdə fərqlənməyə görə” medalları ilə təltif edilib.
