YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Birinci Avropa Oyunlarını iranlı tamaşaçılar da izləyə biləcəklər

“Bakı-2015” İranı birinci Avropa Oyunlarını yayımlayan ölkələr sırasına daxil edib. “General Entertainment and Media” (GEM TV) qrupu İran üçün eksklüziv yayım hüququnu əldə edib. Bu qrup Oyunları “Yahsat”, “Nilesat” və “Hotbird” kanalları ilə ödənişsiz yayımlayacaq.

“Bakı-2015”dən bildiriblər ki, razılaşmaya əsasən, televiziya, rəqəmsal və mobil platformalar üzərindən 75 milyon nəfərin izləyəcəyi gündəlik yayımlar təşkil olunacaq. Bununla da İran Oyunların yayımlanacağı Hindistan, ABŞ, Çin, Honq-Konq, Ərəb ölkələri, Avstraliya və s. sırasına qoşulub.

“Bakı-2015” birinci Avropa Oyunları Əməliyyat Komitəsinin əməliyyatlar üzrə baş direktoru Saymon Kleq bu barədə fikirlərini bölüşərkən deyib: “Birinci Avropa Oyunlarının çağırışı təqdirəlayiqdir. Məqsədimiz mühüm əhəmiyyət kəsb edən yeni beynəlxalq idman yarışlarının Avropada və digər ölkələrdə mümkün qədər daha çox insan tərəfindən izlənilməsini təmin etməkdir. Beynəlxalq şəbəkələrlə əldə edilmiş bu və digər razılaşmalar dünya üzrə belə yarışlara marağın böyük olduğunu göstərir. İran ictimaiyyətinin ilk Avropa Oyunları həyəcanına qoşulduğunu görməkdən məmnunuq”.

 

DİGƏR Xəbərlər Arxiv