Xəbərlər
Bakıda “Caspian Cup” turniri keçiriləcək
Gənclər və İdman Nazirliyi “Gənclərin İntellektual İnkişaf Mərkəzi” ilə birgə Bakıda “Caspian cup” (Xəzər kuboku) turniri keçirəcək.
Gənclər və İdman Nazirliyindən AZƏRTAC-a bildiriblər ki, turnirdə 9 ölkədən 52 komanda iştirak edəcək. Azərbaycanlı intellektuallarla yanaşı yarışda, Rusiya, Özbəkistan, Türkmənistan, Qazaxıstan, Ukrayna, Belarus, Almaniya və Gürcüstandan olan oyunçular da mübarizə aparacaq.
Turnirin proqramına “Nə? Harada? Nə zaman?” və “Breyn-rinq” oyunlarından başqa “Xəmsə” milli intellektual oyunu da daxildir. “Caspian Cup 2013” turniri “Nə? Harada? Nə zaman?” Beynəlxalq Klublar Assosiasiyası tərəfindən ilin turniri seçilib.
Turnirin açılış mərasimi martın 14-də -da “Kempinski-Badamdar” mehmanxanasında keçiriləcək.