Xəbərlər
YAP Suraxanı rayon təşkilatının üzvləri şəhid ailələrini ziyarət etmişlər
YAP Suraxanı rayon təşkilatının üzvləri şəhid kapitan Həmidov Mixail Hamletoviçin, şəhid leytenant Yusubov Elzar Süleyman oğlunun, şəhid miçman Rəcəbov Ruslan Rəcəb oğlunun, şəhid əsgər Fərzulla-zadə Mehdi Zaman oğlunun və şəhid əsgər Hüseynzadə Fərid Eldəniz oğlunun ailələrini ziyarət edərək şəhidlərin təsvirləri toxunmuş xalçaları ailələrinə təhvil vermiş, ailələrə təşkilat tərəfindən bayram sovqatı təqdim edilmiş və onların qayğıları ilə maraqlanmışlar.
Səmimi söhbət əsnasında YAP Suraxanı rayon təşkilatının sədri Vüqar Seyidov vurğulamışdır ki, YAP-ın rayon təşkilatı hər an şəhid ailələrinin yanındadır və bundan sonra da onların problemlərinin həlli, çətinliklərinin aradan qaldırılması və yaşayış şəraitlərinin yaxşılaşdırılması istiqamətində imkanları çərçivəsində əllərindən gələni əsirgəməyəcəklər.
Sonda şəhid ailələri göstərilən diqqət və qayğıya görə Yeni Azərbaycan Partiyası Suraxanı rayon təşkilatına təşəkkür etdilər.
