Xəbərlər
Azərbaycan Prezidenti: Əgər hər bir ölkə müstəqil xarici siyasət aparsa onda dünyada müharibələr də az olar
Dördüncü Bakı Beynəlxalq Humanitar Forumunun açılış mərasimində Prezident İlham Əliyev deyib ki, Azərbaycan hazırda iqtisadi, siyasi cəhətdən müstəqil bir ölkədir, müstəqil xarici siyasəti var. Bu siyasət dünyanın əksər ölkələri tərəfindən dəstəklənir.
Dövlətimizin başçısı bildirib ki, əgər hər bir ölkə müstəqil xarici siyasət aparsa onda dünyada müharibələr də az olar, anlaşılmazlıq da azalar. Hər bir ölkə digər ölkəyə hörmətlə yanaşmalıdır. Hər bir ölkə digər ölkənin seçiminə də hörmətlə yanaşmalıdır - həm beynəlxalq müstəvidə, həm dinlərarası dialoq, humanitar sahədə. Bütün bunlar bir-biri ilə bağlıdır.
Azərbaycan Prezidenti deyib ki, Forumda iştirak edən 60-dan çox ölkədən qonaqlar müxtəlif ölkələri təmsil edirlər, amma biz bir yerdə yığışırıq, müzakirə aparırıq. Çalışırıq necə yol tapaq ki, dünyada gedən prosesləri daha çox müsbət tərəfə istiqamətləndirək. Çünki bu gün gedən proseslər çox narahatedici proseslərdir. Həm müsəlman aləmində, həm Avropada radikalizm, ayrı-seçkilik, irqçilik artır. Bu meyilləri biz görürük və bunu narahatlıqla izləyirik.