Xəbərlər
Azərbaycan və Aİ arasında yeni saziş üzrə danışıqların növbəti raundu Bakıda keçiriləcək
Oktyabrın sonunda Avropa Komissiyasının nümayəndələri Azərbaycana səfər edəcəklər.
Bunu Azərbaycanın xarici işlər naziri Elmar Məmmədyarov deyib.
Nazir qeyd edib ki, səfərdə məqsəd Azərbaycanla Avropa İttifaqı arasında strateji tərəfdaşlıq üzrə yeni sazişlə bağlı müzakirələrin aparılmasıdır.
E.Məmmədyarov bildirib ki, Avropa Komissiyası nümayəndələrinin səfəri zamanı sazişin ikinci fəsli müzakirə olunacaq:
"Azərbaycan Avropa İttifaqı ilə bütün sahələrdə münasibətləri müzakirə etməyə hazırdır. Bu saziş bizim üçün strateji əhəmiyyət daşıyır".