Xəbərlər
Eldar İbrahimov: Qlobal çağırışlar iqtisadi təhlükəsizlik məsələsini daha da aktuallaşdırır
«Müasir dünyada qlobal çağırışlar ölkələrin iqtisadi təhlükəsizliyinin təmin olunması məsələsini daha da aktuallaşdırır». Bu fikirləri Milli Məclisin Aqrar siyasət komitəsinin sədri Eldar İbrahimov deyib.
E.İbrahimov bildirib ki, beynəlxalq birliyə sıx inteqrasiya edən Azərbaycan yeni hədəflər müəyyənləşdirib. Onun sözlərinə görə, ölkəmizin dünyada yaşanan qlobal çətinliklərin fonunda öz təhlükəsizliyini təmin etmək üçün ilk növbədə daxili resurslara istinad edir.
«Ölkəmizdə qeyri-neft sektorunun inkişafı ildən-ilə daha dinamik hal alır. Hazırda respublikamızda sərmayə qoyuluşunda prioritet istiqamətlər kimi ağır sənaye, alternativ enerji, informasiya-kommunikasiya texnologiyaları, kənd təsərrüfatı, qida emalı sənayesi, logistika və daşıma, turizm kimi sahələr əsas götürülür. Bu da qeyri-neft sektorunun inkişafının göstəricisidir»- deyə, komitə sədri vurğulayıb.