Xəbərlər
Tahir Rzayev: Azərbaycan turizm sahəsində daha böyük nailiyyətlər əldə edəcək
«Ölkəmizdə turizmin daha da inkişafı üçün geniş imkanlar var». Bu fikri Milli Məclisin deputatı Tahir Rzayev deyib.
T.Rzayev bildirib ki, hazırda respublikamızın bölgələrində müasir tələblərə cavab verən turizm obyektləri istifaədəyə verilir. Onun sözlərinə görə, görülən işlərin nəticəsidir ki, son illər Azərbaycana gələn turistlərin sayında xeyli artım var.
«Azərbaycanın coğrafi mövqeyi, təbiəti, iqlimi imkan verir ki, burada turizm daha da inkişaf etsin. Eyni zamanda, respublikamızın tarixi-mədəni abidələrlə zəngindir ki, bu amil də xarici turistləri cəlb edir. yəni, ölkəmizdə turizmin inkişafı üçün çox böyük potensial mövcuddur. Dövlətin dəstəyi ilə bu sahə dinamik olaraq inkişaf edir. Bu ilin birinci rübündə onminlərlə xarici turistin ölkəmizə gəlməsi də bunu sübut edir. Şübhə yoxdur ki, bu sahədə həyata keçirilən uğurlu tədbirlər sayəsində Azərbaycan turizm sahəsində daha böyük nailiyyətlər əldə edəcək»- deyə, T.Rzayev qeyd edib.