Xəbərlər
Milli Məclisin deputatı Sevinc Fətəliyeva AŞPA-nın alt komitəsinin iclasına sədrlik edir
Milli Məclisin beynəlxalq münasibətlər və parlamentlərarası əlaqələr komitəsi sədrinin müavini, Avropa Şurası Parlament Assambleyasının (AŞPA) sosial məsələlər, sağlamlıq və davamlı inkişaf komitəsinin Avropa Sosial Xartiyası üzrə alt komitəsinin sədri Sevinc Fətəliyevanın sədrliyi ilə oktyabrın 28-də Parisdə qurumun “Uşaq və gənclərin hüquqlarının sosial, qanuni və iqtisadi müdafiəsinə həsr edilmiş iclası öz işinə başlayıb.
İclasda Avropa Sosial Hüquqlar Komitəsinin üzvü Eliane Çemlanın “Avropa Sosial hüquqlar komitəsinin qərarlarına baxış” adlı məruzəsi dinləniləcək.
Deputatlar və dəvət olunmuş ekspertlər fikir mübadiləsi aparacaq və milli səviyyələrdə uşaqların müdafiəsinə dair tövsiyələr hazırlayacaqlar.
Müzakirələrdən sonra Avropa Sosial Xartiyası üzrə alt komitəsinin sədri Sevinc Fətəliyeva seminarın nəticələri ilə bağlı fikrini bildirəcək.