Xəbərlər
Monteneqro Azərbaycan ilə iqtisadi əməkdaşlığı genişləndirmək istəyir
Azərbaycanın Monteneqrodakı səfiri Eldar Həsənov bu ölkənin Baş nazirinin müavini Duşko Markoviç ilə görüşüb.
Söhbət zamanı iki ölkə arasındakı davamlı siyasi dialoqun və imzalanmış sazişlərin gələcək əməkdaşlıq üçün möhkəm baza yaratdığı vurğulanıb.
E.Həsənov Monteneqronun daxili və xarici siyasətdə əsas prioritetlərə nail olmasında Azərbaycanın tam dəstək verdiyini bildirərək, bu ölkədə müvafiq istiqamətdə həyata keçirilən islahatların yüksək qiymətləndirildiyini qeyd edib.
D.Markoviç siyasi əlaqələrin inkişafına və iqtisadi tərəfdaşlığın dərinləşməsinə Azərbaycanın göstərdiyi səylərə görə minnətdarlığını bildirib. Vurğulayıb ki, Monteneqro iqtisadi əməkdaşlığın daha yüksək səviyyəyə çatdırılmasında birgə tədbirlərin həyata keçirilməsinə hər zaman hazırdır.