Partiya xəbərləri
YAP-ın nümayəndə heyəti Çinə səfər edəcəkdir
Yeni Azərbaycan Partiyası Siyasi Şurasının üzvlərindən Ekologiya və Təbii Sərvətlər nazirinin müavini Firdovsi Əliyev və “İki sahil” qəzetinin baş redaktoru Vüqar Rəhimzadə 14-16 oktyabr tarixlərində Çinin paytaxtı Pekində Asiya Siyasi Partiyaları Beynəlxalq Konfransının (İCAPP) İpək Yolu üzrə xüsusi konfransında iştirak edəcəklər.
Konfransın məqsədi tarixi İpək Yolu üzərində yerləşən dövlətlər və xalqlar arasında qarşılıqlı faydalı siyasi, iqtisadi və mədəni əlaqələrin genişləndirilməsi, sivilizasiyalararası dialoqun təşviq edilməsidir.