Xəbərlər
Avropa Komissiyası TAP-ı ortaq maraqlara xidmət edən 33 prioritet enerji təhlükəsizliyi layihəsi siyahısına daxil edib
“Trans-Adriatik” (TAP) boru kəməri layihəsi Avropa Komissiyasının ortaq maraqlara xidmət edən 33 prioritet enerji təhlükəsizliyi layihəsi siyahısına daxil edilib
Bu barədə Avropa İnvestisiya Bankı (EIB) məlumat yayıb. Bildirilir ki, yeni qaz mənbələrinin, marşrutlarının və diversifikasiyasının təmin olunması məqsədilə Avropa Komissiyası TAP-ın Avropanın enerji təhlükəsizliyinə müsbət imkanlar yaradacağını və layihənin 3-cü hissəsinin reallaşdırılmasına icazə verilməsini qərara alıb.
Uzunluğu təxminən 870 kilometr olan Trans-Adriatik boru kəməri Türkiyə ilə Yunanıstan sərhədində yerləşən Kipoi məntəqəsində Trans-Anadolu qaz boru kəmərinə - TANAP birləşəcək. TAP layihəsi “Şahdəniz-2” yatağından çıxarılan qazın Yunanıstan və Albaniya vasitəsilə, Adriatik dənizindən keçməklə İtaliyanın cənubuna, oradan da Qərbi Avropaya nəqlini nəzərdə tutur. Bu layihə Azərbaycan qazının İtaliya, Almaniya, Fransa, Böyük Britaniya, İsveçrə və Avstriya kimi böyük Avropa bazarlarına çatdırılması üçün böyük imkanlar yaradır.
TAP-ın bu layihədəki səhmdarları belədir: bp (20 faiz), SOCAR (20 faiz), Statoil (20 faiz), Fluksiz (19 faiz), Enagas (16 faiz) və Axpo (5 faiz).