Xəbərlər
Yaralı hərbçi ziyarət olunub
Yeni Azərbaycan Partiyası (YAP) Tərtər rayon təşkilatının sədri Eldar Əsədov və təşkilat əməkdaşları Azərbaycan-Ermənistan sərhədinin Daşkəsən, Kəlbəcər, Laçın və Zəngilan istiqamətlərində düşmən təxribatının qarşısını alarkən igidlik göstərərək yaralanmış rayonun Qaradağlı kənd sakini, baş gizir Nəcəfli Toğrul Mehdi oğluna baş çəkiblər.
YAP Tərtər rayon təşkilatının sədri Eldar Əsədov rəşadətli Azərbaycan Ordusunun şanlı qələbəyə aparan zəfər yolundan, qəhrəman əsgərlərimizin döyüşlərdə göstərdiyi şücaətdən danışıb.
Daha sonra ailənin qayğı və problemləri dinlənilib.
Toğrul Nəcəfli Prezident İlham Əliyevə və Birinci vitse-prezident Mehriban xanım Əliyeva tərəfindən dövlət səviyyəsində qazilərə göstərilən diqqət və qayğıdan məmnunluğunu ifadə edib.
