Xəbərlər
Şəhidin qəhrəmanlıqlarla zəngin döyüş yolundan danışılıb
Yeni Azərbaycan Partiyası Sabirabad rayon təşkilatının rəhbərliyi və fəalları oktyabrın 26-da İkinci Qarabağ müharibəsində qəhrəmancasına vuruşaraq şəhidlik zirvəsinə ucalmış Elnur Aydın oğlu Tağıyevin Sabirabad rayonunun Xəlfəli kəndində keçirilən il mərasimində iştirak ediblər.
Mərasimdə Elnur Tağıyevin keçdiyi döyüş yolundan danışılıb, göstərdiyi şücaət və qəhrəmanlıqlardan söz açılıb. Həmçinin mərasim iştirakçıları şəhidin ailə üzvlərinin qayğıları, problemləri ilə maraqlanıblar.
Şəhid yaxınları və ailə üzvləri göstərilən diqqət və qayğıya görə Prezident İlham Əliyevə, Birinci vitse-prezident Mehriban xanım Əliyevaya öz minnətdarlıqlarını bildiriblər.