Xəbərlər
YAP Saatlı rayon təşkilatının fəalları şəhid Zabil Ağayevin ailəsini ziyarət ediblər
Yeni Azərbaycan Partiyası Saatlı rayon təşkilatının fəalları “Şəhid ailələrinə qayğı” aksiyası çərçivəsində Vətən müharibəsində şəhidlik zirvəsinə ucalmış rayonun Məmmədabad kəndindən olan kiçik çavuş Ağayev Zabil Azər oğlunun məzarını ziyarət ediblər.
Daha sonra şəhidin ailəsi ziyarət olunub. Ziyarət zamanı qeyd olunub ki, qəhrəman Azərbaycan əsgər və zabitlərinin cəsarəti, mətanəti və milli ruhu xalqımıza şanlı Qarabağ Zəfərini bəxş etdi. Azərbaycanın igid əsgər və zabitləri Vətən müharibəsində elə bir şanlı tarix yazdılar ki, bu qəhrəmanlıq dastanı əbədi yaşayacaq, gələcək nəsillər tərəfindən öyrəniləcək və şəhidlərimizin əbədiyaşar xatirələri daim yad olunacaq.
Görüşdə şəhidin Vətən müharibəsinin ilk günündən ön cəbhədə döyüşdüyü, döyüş meydanında böyük şücaət və cəsarət nümunələri göstərdiyi xüsusi qeyd olunub. Şəhidin ailəsi dövlət tərəfindən onlara göstərilən yüksək diqqət və qayğıya görə ölkə başçısı İlham Əliyevə və Birinci vitse-prezident Mehriban xanım Əliyevaya öz təşəkkürlərini bildiriblər.
