YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Macarıstanın Baş naziri: ABŞ Avropanı soyuq müharibənin “yeni era”sına sürükləyir

Beynəlxalq arenada ABŞ-ın hərəkətlərinə qarşı sərt mövqe nümayiş etdirməsi ilə tanınan Macarıstanın Baş naziri Viktor Orban növbəti dəfə Ukraynadakı vəziyyət və Avropanın Rusiyaya təzyiqləri ilə bağlı fikirlər səsləndirib.
Macarıstanın M1 telekanalına müsahibəsində ABŞ-ın Ukraynadakı hadisələr fonunda Rusiya ilə yeni soyuq müharibə vəziyyətinə girdiyini deyən Viktor Orban Birləşmiş Ştatların bu qarşıdurmaya köhnə dünyanı da cəlb etmək istədiyini vurğulayıb.
Macarıstanın Baş naziri, həmçinin ABŞ-ı bir çox ölkələrin siyasi həyatına qarışmaqda ittiham edib. Moskva əleyhinə sanksiyaların qatı əleyhdarı olan Viktor Orban bunun Rusiyadan çox Avropa İttifaqına zərər vuracağını demişdi. Daha sonra isə o, Vaşinqtonu Rusiya ilə energetika sahəsində əməkdaşlığa görə Macarıstana təzyiq göstərməkdə günahlandırmışdı.