Xəbərlər
Şabran seçiciləri bələdiyyə seçkilərində YAP namizədlərinə etimad göstərəcəklər
Respublikanın bütün şəhər və rayonlarında olduğu kimi, Yeni Azərbaycan Partiyası Şabran rayon təşkilatında da bələdiyyə üzvlüyünə YAP tərəfindən irəli sürülmüş namizədlərin təbliğat kampaniyası uğurla davam edir. Seçicilərlə növbəti görüşdə YAP Siyasi Şurasının üzvü, «İki sahil» qəzetinin baş redaktoru Vüqar Rəhimzadə iştirak edib.
YAP Şabran rayon təşkilatının sədri Mehdi Balabəyov rayon bələdiyyə seçkilərində görülən işlər barədə məlumat verib. O bildirib ki, Yeni Azərbaycan Partiyası hər seçkilərdə olduğu kimi bu seçkidə də xalqa arxalanaraq böyük qələbə qazanacaq.