Xəbərlər
Dağlıq Qarabağ münaqişəsinin həllində Avropa İttifaqının daha fəal iştirakı məsələsi müzakirə edilib
Almaniya Xarici İşlər Nazirliyinin dövlət katibi Stefan Ştaynlayn ATƏT-in Minsk qrupunun həmsədrləri İqor Popov (Rusiya), Ceyms Uorlik (ABŞ), Pyer Andre (Fransa) və ATƏT-in fəaliyyətdə olan sədrinin şəxsi nümayəndəsi Anji Kaspşik ilə görüşüb.
Bu barədə məlumat Almaniya Xarici İşlər Nazirliyinin internet saytında yerləşdirilib.
Məlumatda bildirilir ki, görüşdə 20 ildən artıqdır davam edən Ermənistan-Azərbaycan, Dağlıq Qarabağ münaqişəsində artan gərginlik riski fonunda problemin siyasi yolla həlli imkanları, tərəflər arasında etimadın yaradılması və həll prosesində Avropa İttifaqının daha fəal iştirakı məsələləri müzakirə edilib.