Xəbərlər
Sevinc Hüseynova: Bələdiyyə seçkiləri kampaniyasında partiyamızın qadın üzvləri kifayət qədər fəallıq göstərirlər
«Bələdiyyə seçkiləri kampaniyasında partiyamızın qadın üzvləri kifayət qədər fəallıq göstərirlər». Bu fikri YAP Qadınlar Şurasının sədr müavini, Milli Məclisin deputatı Sevinc Hüseynova deyib.
S.Hüseynova bildirib ki, dövlətimizin uğurlu siyasətinin nəticəsi olaraq qadınların idarəetmə orqanlarında və seçki proseslərindəki iştirakı daim artır. Onun sözlərinə görə, bələdiyyə seçkiləri kampaniyası bu faktı bir daha təsdiqləyir.
«Cəmiyyətdə qadınların fəallığının artırılması nəticəsində onların seçkili orqanlarda da təmsilçiliyi yüksəlib. Bu mənada, dekabrın 23-də keçiriləcək bələdiyyə seçkilərində də savadlı və layiqli qadın namizədlərin sayı kifayət qədərdir. Bu fakt həmçinin, patiyamızın qadınlara göstərdiyi etimaddır»- deyə, S.Hüseynova qeyd edib.