Partiya xəbərləri
Ağstafa rayonunun Kolxəlfəli, Pirili, Düzqışlaq və Xılxına kəndlərində seçicilərlə görüş keçirilib
Bələdiyyə seçkiləri ilə əlaqədar Yeni Azərbaycan Partiyası (YAP) Ağstafa rayon təşkilatı təbliğat-təşviqat kampaniyası çərçivəsində rayonun Kolxəlfəli, Pirili, Düzqışlaq və Xılxına kəndlərində seçicilərlə görüş keçirib.
Çıxış edən YAP Ağstafa rayon təşkilatının sədri Ramiz Tatarov bələdiyyələrin fəaliyyəti ilə bağlı məlumat verib, seçkilərin təbliğat kampaniyasının uğurla davam etdirildiyini söyləyib. R.Tatarov Azərbaycanda ötən dövr ərzində bələdiyyə institutunun formalaşdığını və təkmilləşdiyini bildirib. Təşkilat sədri qarşıdan gələn bələdiyyə seçkilərində gənc və xanım namizədlərin say çoxluğunun iş prosesinə müsbət təsir göstərəcəyinə əminliyini bildirib. YAP-ın yarandığı vaxtdan bütün seçkilərdə qələbə qazandığını deyən R.Tatarov qarşıdan gələn bələdiyyə seçkilərində də inamlı qələbə qazanacağını söyləyib. O, dekabrın 23-də seçiciləri partiyamızın namizədlərinə səs verməyə çağırıb.
Tədbirdə digər çıxış edənlər də seçiciləri seçki günü fəal olmağa olmağa və YAP-ın namizədlərinə səs verməyə dəvət ediblər.
