Gündəm
Prezident İlham Əliyev: "Azərspace 2" peykinin orbitə buraxılması Azərbaycanın növbəti qələbəsi, növbəti uğurudur
“Əziz vətəndaşlar, əziz dostlar, bu gün ölkəmizin həyatında növbəti əlamətdar bir gündür. Azərbaycan qısa müddət ərzində dünyanın kosmik klubunun dəyərli üzvünə çevrilibdir. Azərbaycan qarşıya qoyduğu bütün vəzifələri uğurla icra edir. Bizim yolumuz inkişaf yoludur, tərəqqi yoludur və bu gün Azərbaycan dünyada müasir texnologiyaların inkişafında öz dəyərli sözünü deyir. “Azərspace 2” telekommunikasiya peykinin orbitə çıxarılması bizim növbəti tarixi qələbəmizdir. Bundan sonra da Azərbaycan yalnız uğurlar, qələbələr yolu ilə gedəcək." Bu fikirlər Azərbaycan Respublikasının Prezidenti İlham Əliyevin Azərbaycanın “Azerspace-2” peykinin orbitə buraxılması münasibətilə xalqımıza təbrikində yer almışdır.