Partiya xəbərləri
YAP-ın Yevlax və Mingəçevir şəhər təşkilatlarının iştirakı ilə “700 min ağac əkək” kampaniyası çərçivəsində növbəti aksiya keçirildi
Yeni Azərbaycan Partiyasının yaradılmasının 25 illik yubileyi münasibəti ilə YAP Yevlax və Mingəçevir şəhər təşkilatları “700 min ağac əkək” kampaniyası çərçivəsində Yevlax rayonu ərazisində yerləşən meşə zolağında növbəti ağacəkmə aksiyası keçirib.
Yeni Azərbaycan Partiyasının Ekologiya və Təbii Sərvətlər Nazirliyi ilə birgə layihəsi olan ağacəkmə kampaniyası Yevlax rayonu ərazisində yerləşən meşə zolağında genişləndirilməsi nəzərdə tutulan ərazidə keçirilib. Kampanyada YAP-ın Yevlax və Mingəçevir şəhər təşkilatlarının fəalları, ictimaiyyət nümayəndələri yaxından iştirak ediblər. Bayram əhval ruhiyyəsi ilə keçirilən kampaniyada 3200-dən çox göyrüş və meliya ağacları əkilib, ağaclara qulluq olunub.
“ 700 min ağac əkək” kampaniyası Aran regionunda yaşıllığın genişləndirilməsinə və ekoloji vəziyyətin daha da yaxşılaşdırılmasına töhfə verəcək. “700 min ağac əkək” kampaniyası çərçivəsində ərazidə artıq 8700 ağac əkilib.
