Partiya xəbərləri
“700 min ağac əkək” kampaniyası çərçivəsində Biləsuvarda növbəti ağacəkmə aksiyası keçirilib
Yeni Azərbaycan Partiyasının yaradılmasının 25 illik yubileyi ilə əlaqədar “700 min ağac əkək” kampaniyası çərçivəsində respublikamızın bütün bölgələrində ağacəkmə aksiyaları davam etdirilir.
Dekabrın 14-də YAP Biləsuvar rayon təşkilatı bu kampaniya ilə əlaqədar növbəti ağacəkmə aksiyası keçirib. Aksiya Biləsuvar Rayon Meşə Mühafizəsi və Bərpası Müəssisəsi ilə birgə təşkil olunub. Aksiya zamanı rayonun meşə massivində 1000 ədəd nar ağacı əkilib.
YAP Biləsuvar rayon təşkilatının üzvləri aksiyada böyük fəallıq nümayiş etdiriblər.
Qeyd edək ki, Biləsuvar rayonunda aksiyalar müntəzəm olaraq davam etdiriləcək. Növbəti mərhələdə 2000 ədəd ağacın əkilməsi nəzərdə tutulub.
