Xəbərlər
Bayram Səfərov: Bizim yeganə arzumuz doğma torpaqlarımıza qayıtmaqdır
«Bizim yeganə arzumuz doğma torpaqlarımıza qayıtmaqdır». Bu fikri «Azərbaycan Respublikası Dağlıq Qarabağın azərbaycanlı icması» İctimai Birliyinin sədri Bayram Səfərov deyib.
B.Səfərov bildirib ki, Ermənistan müstəqil dövlət deyil. Onun sözlərinə görə, bu səbəbdən işğalçı dövlət müstəqil qərarlar qəbul edə bilmir.
«Ermənistan müstəqil dövlət deyil və o havadarlarının tapşırıqları əsasında qərarlar qəbul edir. Ona görə də, Sarkisyanın xoşluqla sülhə gəlməsi inandırıcı görünmür. Ermənilərin məqsədi işğalı mümkün qədər daha çox uzatmaqdır. Bu məsələdə onlara havadarları da böyük dəstək verir. Amma biz inanırıq ki, Prezidentimizin qətiyyətli siyasəti nəticəsində öz torpaqlarımıza qayıdacağıq»- deyə, B.Səfərov vurğulayıb.