YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

MM-in deputatı: Ermənistan təcavüzkar siyasətinə son qoymadıqca cəbhə xəttində gərginlik davam edəcək

«Ermənistan təcavüzkar siyasətinə son qoymadıqca cəbhə xəttində gərginlik davam edəcək». Bu fikri Milli Məclisin Beynəlxalq münasibətlər və parlamentlərarası əlaqələr komitəsinin üzvü Asim Mollazadə deyib.

A.Mollazadə bildirib ki, Ermənistan müstəqil dövlət olmadığı üçün onun arxasında dayanan qüvvələr öz məqsədləri üçün vəziyyəti gərginləşdirir. Onun sözlərinə görə, Azərbaycanın qlobal layihələrin təşəbüskarı və təşkilatçısı olması müəyyən dairələri narahat edir.

«Ona görə də, həmin dairələr də ölkəmizə təzyiq etmək üçün Ermənistandan istifadə edirlər. Azərbaycan bir neçə istiqamətdə, xüsusilə enerji sahəsində Avropa ilə əməkdaşlıq edir. Bütün bunlar isə Ermənistanı və onun havadarlarını narahat edir. Bu səbəbdən də, işğalçı tərəf  atəşkəsi pozur, cəbhədə təxribatlar törədir»- deyə, deputat qeyd edib.