Xəbərlər
Rövnəq Abdullayev: Azərbaycanın neft strategiyası strategiya nəticəsində mühüm nailiyyətlər əldə olunub
«Azərbaycanda neft strategiyası uğurla həyata keçirilir. Bu strategiya nəticəsində mühüm nailiyyətlər əldə olunub». Bu fikirləri SOCAR-ın prezidenti, Milli Məclisin deputatı Rövnəq Abdullayev deyib.
R.Abdullayev bildirib ki, uğurların qazanılmasında SOCAR-ın da özünəməxsus rolu var. Onun sözlərinə görə, indiyə qədər ölkəmizin neft-qaz sektoruna 68,2 milyard ABŞ dolları həcmində sərmayə yatırılıb.
«SOCAR-ın dövriyyə kapitalı 2007-ci ildən bu yana 2 dəfəyə yaxın artıb, aktivlərinin ümumi dəyəri 9 mlrd. manatdan təqribən 40 milyard manata çatıb. Son 7 ildə faiz, vergi və amortizasiyadan əvvəl şirkətin hesablanan illik gəliri 2 dəfə yüksəlib»- deyə, R. Abdullayev vurğulayıb.