Xəbərlər
YAP Gənclər Birliyinin «Yay məktəbi» Lerikdə
Yeni Azərbaycan Partiyası Gənclər Birliyinin «Gənc Liderlər» Gənc Siyasətçilər üçün «Yay məktəbi» layihəsinə start verilib.
“Yay məktəbi”nin iyulun 6-dan başlamış I tur çərçivəsində 100-ə yaxın fəal gənc Lerik rayonundadır. İyulun 6-da «Yay məktəbi»nin açılışı olub. YAP Siyasi Şurasının üzvü Vüqar Rəhimzadənin rəhbərlik etdiyi qrup öncə rayon mərkəzində müstəqil Azərbaycanın qurucusu, Yeni Azərbaycan Partiyasının yaradıcısı ümummilli lider Heydər Əliyevin abidəsini ziyarət edərək önünə gül-çiçək dəstələri düzüb, eyni zamanda Heydər Əliyev Mərkəzində olublar.
«Yay məktəbi»nin növbəti günündə «Ulu öndər Heydər Əliyevin ideyaları və müasir dövlət quruculuğunda gənclərin rolu» mövzusunda seminar keçirilib.
Diskussiya şəklində davam edən seminarda gəncləri maraqlandıran suallar da cavablandırılıb. Sonra gənclər arasında müxtəlif idman yarışları keçirilib.