Xəbərlər
Elmar Məmmədyarov: Azərbaycan və Ermənistan prezidentlərinin görüşü konstruktiv şəkildə keçdi
Azərbaycanın xarici işlər naziri Elmar Məmmədyarov Sankt-Peterburqda Azərbaycan və Ermənistan prezidentlərinin Rusiya Prezidenti Vladimir Putinin iştirakı ilə keçirilmiş görüşünə münasibət bildirib.
Nazir deyib ki, görüş konstruktiv şəkildə keçdi. Azərbaycan tərəfi görüşün nəticələrini müsbət qiymətləndirir. “İnanırıq ki, bu görüş Ermənistan-Azərbaycan, Dağlıq Qarabağ münaqişəsinin həllinə dair danışıqlar prosesində tezliklə irəliləyişə nail olmaq üçün imkanlar yaradacaq”, - deyə Elmar Məmmədyarov bildirib.